Logo of the Department

Agriculture Achievement Agriculture Package Of Packages (Khasi Version)

Ka Rukom Rep Slasha

Lynnong - I

Ka Jingthmu
Kumno ban thung ia u tynrai slasha ha ka jaka ba la pynkhreh khnang ba yn heh yn san.

Ka Jinglamphrang
Ka rukom thung lehse ka lah ban long kaba suk eh hynrei ka lah ban wanrah ka jingduh kaba khraw lada ym phikir ia ka naduh kaba sdang. Kata ka mut lada don jingthut ei ei ha ka rukom thung ka lah ban wanrah ka jingiap shibun ki tynrai (high mortality rate). Dei na kane ka daw ba ka por thung bad ka rukom thung ka long ba donkam bha.

Ki Tiar
  • Ka jingheh u tynrai ne ka snem jong u – Dei ban thung da u tynrai uba khlain la kumno kumno u dei ban don ka jingjrong 40 – 45 cm (shiphut shiteng) lane ka rta kaba 9 haduh 12 bnai naduh ba sara ia u.
  • S.S.P. Sboh eit masi, dawai khniang kum ka Furadan lane kiwei kiwei.
  • Shyrnet, Khurpi.
  • Ki pump dawai.


Ka Jingkhah/Jingiar
Ia ki tynrai slasha dei ban thung ha kaba ka jingjngai na uwei u lain sha uwei u dei ban long 100 cm bad na uwei u jingthung sha uwei pat 70 cm.

Ka Por Thung
  • Ha ki jaka ba jur slap lah ban thung ha ki bnai Risaw – Nohprah lane ha ki bnai Lber – Iaiong.
  • Ha ki jaka ba kham duna slap ka por thung ka dei naduh ki bnai Jylliew-Naitung.


Ki Kam
Ka rukom thung lehse ka lah ban long kaba suk eh hynrei ka lah ban wanrah ka jingduh kaba khraw lada ym phikir ia ka naduh kaba sdang. Kata ka mut lada don jingthut ei ei ha ka rukom thung ka lah ban wanrah ka jingiap shibun ki tynrai (high mortality rate). Dei na kane ka daw ba ka por thung bad ka rukom thung ka long ba donkam bha.

i) Staking ne ban pynkhreh ia ki dieng kiba la lit pynnep shiliang kiba dei ban jrong kumba 2 phut shiteng ei ei ban sieh ha khyndew shwa ban thung.

ii) Ka Rukom Thung
  • Tih ia ki thliew da kaba pud kawei hadien kawei.
  • Ka thliew ka dei ban don 30 cm (shiphut) ka jingiar bad ka jingjylliew kaba long 45 cm (shiphut shiteng).
  • Ym dei ban khleh lang ia ka dewmet bad ka dew ksang. Dei ban buh ka lajong.
  • Khleh 30 gm ka sboh dpei, 1 kilo ka sboh eit masi bad sa khleh lang bad ka khyndew kaba la bynta kumba la kdew haneng. Lah ruh ban ai kumba 2.5 gm ka Furadan ban lait na ki kruin.
  • Ynda la dep khleh sa pyndap shwa da ka dewmet (top soil) hapoh thliew bad sa pynskhem bha ia ka khyndew. Sa pynbud pat da ka bynta kaba ar kata ka long ka dew ksang kaba la dep khleh dawai kumba la kdew haneng. Pynskhem bha ia ka thliew.
  • Sa tih ia ka thliew kaba rit kat kum ka jingheh ka plastic ha kata ka thliew ba la pynkhreh bad sa thung ia u slasha.
  • Dei ban weng ia ka plastic ha ka por thung bad sa pyniaryngkat (level) da kaba pynskhem ia u jingthung ha ka thliew (ramming).
  • Lah ban ai phlang narud jong u tynrai ba la thung ban lait na ka jingthang jong ka sngi.
  • Dei ban phikir ia ki jingthung.
  • Lada don khniang jingpang ne donkam ban synreit dawai pyniap kynbat, phi lah ban ia kynduh ia ki Ophisar ne ki staff kiba don ha ka district jong phi.
************************************


Lynnong - II

Ka Subject
Kaba Pynkhreh ia ka YTD Mixture.

Ka Jingthmu
Ban hikai kumno ban pynkhreh ia ka YTD mixture lyngba ki sboh dawai fertilizer.

Ka Jingthmu
Ia u slasha uba sdang ban khie ban san (young tea plants) dei ban ai ia ki sboh dawai kiba kynthup ia ka Nitrogen (N), Phosphorus (P) bad Potash (K). Da kaba khleh ia kitei ki lai jait ngin sa ioh ia kata ka YTD Mixture. Ia kane ka YTD dei ban bhah ha ka 10:5:10 (kata ka mut 10 kg N, 5 kg ka P2O5 bad 10 kg K2O na kaba don bynta 100 kg.

N.B.
Ia ka N ngi lah ban ioh ha ka Urea (sboh Mluh), ia ka P ngin ioh ha ka SSP (sboh Dpei) bad ia ka K ngin ioh ha ka MOP (sboh Shyiap).

Ki Tiar ba donkam
  • Sboh NPK (Urea, SSP, MOP).
  • Ka Jingthew (ki tarajur ne kiwei kiwei).
  • Ka tirpal ne ka jaka bakhuid.
  • Shyiap.


Ki Kam
Ka jingpynkhreh ia ka YTD Mixture
Ki Kyndon Ki mat ba kongsan
1. Ban jied ia ki sboh dawai 1. Lah ban jied da ka urea na ka bynta ka N, ka SSP na ka bynta ka P bad MOP na ka bynta ka K.
2. Kitei lai jait ki long kiba suk ban ioh ha iew ha hat.
2. Ka rai ban khleh ia ka YTD mixture 1. Pyndonkam ka bhah 10: 5:10 na ka bynta ka khyndew kaba biang ka jingsboh.
2. Pyndonkam da ka bhah 10: 5:15 na ka bynta ka khyndew kaba duna potash (K).
3.Ka jingkhein ia ka jingdonkam ia ka YTD mixture 1. Kynmaw ban pynkhreh ia ka YTD mixture kat kum ka jingdonkam khnang ba kan nym sepei.
2. Ym dei ban kynshew ne lum ia ka mixture.
3.Khein ia ka jingdonkam katkum ka jingdon jong ki tynrai ne ka jingheh jong ka jaka.
4. Ka jingpynkhreh ia ka mixture. 1. Dei ban thew ia ki sboh dawai la ka jong kat kum ka jingdonkam.
2. Khleh lang ia ki sboh dawai bad u shyiap lait noh sa tang ia ka dawai SSP.
3. Ia ka SSP dei ban khleh khatduh shwa ban ber ne ai dawai.
N.B.
A) Na ka bynta ban khleh 100 kg YTD ha ka bha 10: 5:15 kynmaw ban bud ia kine harum :
  • Urea - 22 kg
  • SSP - 31 kg
  • MOP - 25 kg
  • Shyiap - 22 kg

B) Na ka bynta ban khleh 100 kg YTD ha ka bhah 10: 5:10 ngi donkam :
  • Urea - 22kg
  • SSP - 31 kg
  • MOP - 17 kg
  • Shyiap - 30 kg
************************************


Lynnong - III

Ka Subject
Ka rukom ai sboh dawai ha u slasha ba la san.

Ka Jingthmu
Ban hikai ia ka rukom ai sboh lane katno donkam ban ai sboh dawai.

Ka Jinglamphrang
Ka jingai sboh dawai da kaba pyndonkam da ka NPK ha ki slasha ba la san ka long kaba donkam bha, khamtam ban pynmih ia u sla bad kumjuh ruh ban pynneh ia ka jingsboh ka khyndew. Ka jingdonkam ka sboh dawai kan pher na ka kawei ka jaka sha kawei pat. Kan bha shibun ba dei ban da phah eksamin (test) shwa ia ka khyndew khnang ban lah ban sngewthuh ka jingdonkam ka dawai. Kine harum ki long ki bhah (dose) ban ai sboh dawai na ka bynta u slasha uba la san (mature tea) ha ka shisnem.
Ka jingpynmih sla
(kg/Ha)		 N (Urea)
(kg/Ha)		 P2O5(SSP)
(kg/Ha)		 K2O (MOP) (kg/Ha)
Khyndew ba duna potash Khyndew ba shu biang potash Khyndew ba heh ka potash
Haduh 7500 kg 195 kg 125 kg 150 kg 115 kg 83 kg
7500-10000 kg 195-240 kg 125-187 kg 150-183 kg 115-133 kg 83-117 kg
10000-125000 kg 240-305 kg 187-312 kg 183-233 kg 133-200 kg 117-167 kg
12500-15000 kg 305-360 kg 312 kg 233-275 kg 200-233 kg 167-200 kg

Ia kane ka bhah ba la kdew haneng ka kham iadei ha ki jaka kiba syiad kata ka mut kat kum ka jingpynmih sla.

Kawei pat ka nuksa rukom ai dawai sboh ha ki jaka thung ha Darjeeling ka long kumne.
Ka jingpynmih sla N (Urea)
(kg/Ha)		 P2O5(SSP)
(kg/Ha)		 K2O (MOP) (kg/Ha)
Khyndew ba duna potash Khyndew ba shu biang potash Khyndew ba heh ka potash
Haduh 3000 kg 130 kg 125 kg 100 kg 83 kg 58 kg
3000-5000 kg 130-195 kg 125 kg 100-150 kg 83-116 kg 58-83 kg
5000-7000 kg5000-7000 kg 195-260 kg 125 kg 150-200 kg 116-166 kg 83-116 kg

************************************


Lynnong - IV

Ka Subject
Ka rukom ai sboh dawai ha u slasha ba sdang khie lung (Young Tea).

Ka Jingthmu
Ka long ba ngi lah ban ai ia ka sboh ha ka bhah kaba biang.

Ka Jinglamphrang
Kumba la kdew mynshwa ba ha ki por ba u slasha u sdang khie lung (formative stage) kata ka mut haduh 4 ne 5 snem ei ei hadien ba la dep thung, dei ban ai sboh dawai YTD kat kum ba dei ki por. Hadien 2 ne 3 snem dei ban ai dawai da kaba ber sawdong jong u jingthung (ring application) bad ynda haba u jingthung u la sdang ban san bad shong skhem bha hapoh khyndew ia ka sboh dawai lah ban ai da kaba shu ber (broadcasting).

Ia ka YTD mixture dei ban ai kumne harum. (Ka jingkhein ka long na ka bynta ka jaka kaba heh shi (1) hectare ne kaba don 14000 tylli ki tynrai dieng.
Snem
(Year)		 Ka Bynta
(Dose)		 Ka Jingphiah
(Split)		 Ka Rukom
(Method)
0 year 200kg YTD/ha (5-10gm/tynrai) 1-2 sien Ring
1 year 800kg YTD/ha (50-60gm/tynrai) 4-6 sien Ring
2 year 1000kg YTD/ha (60-80gm/tynrai) 4 sien Ring
3 year 1300-1400kg YTD/ha 4 sien Broadcasting
4 year 1300-1400kg YTD/ha 2 sien Broadcasting
5 year 1500kg YTD/ha 2 sien Broadcasting

N.B. - Ki nongrep kin sngewbha ban peit ia ka rukom khleh 100kg YTD (la ai lypa).

Ki Rukom
  • Pynkhuid ia ka jaka shwa ban ai sboh dawai khamtam ka bynta ba hajan u jinghtung (collar region).
  • Pynmong malu mala ia ka khyndew bad sa ai ka dawai YTD sawdong jong u jingthung.
  • Dei ban ai dawai la kumno kumno 10 cm narud jong u tynrai.
  • Ha ka rukom ai dawai da kaba ber (broadcasting), nyngkong eh dei ban pynkhuid ia ka jaka bad sa ai ka sboh dawai.


Ki Jingbatai kiba dei ban kynmaw
  1. Da lei lei ruh ym dei ban ai dawai YTD mar ia dep thung.
  2. Lada thung ha ki bnai September-October pynkhreh ban ai sboh dawai ha ki bnai March-April.
  3. Lada thung ha ki bnai May-June pynkhreh ban ai sboh dawai ynda u jingthung u la skhem bha.
  4. Ai sboh dawai ha ka khyndew kaba la sngem malu mala (moist soil) bad pyrshang ban nym ai dawai ha ki por jur slap.
  5. Lada ai dawai da kaba phiah (split dose) dei ban pynbud kumno kumno hadien 6 taiew ei ei.
  6. Dei ban kiar ban nym ai dawai hajan u tynrai jingthung (collar region).
** La pyrshang ban pynwandur katba lah na ka bynta ka jingsngewthuh ia ki nongrep bad lada shem ia kano kano ka jingeh, phi lah ban ia kynduh ia ki Ophisar ne ki staff kiba dei peit ia u slasha hapoh ka District jong phi.