Package of Practices (Khasi Version)

Phan Sohniamtra Slasha Sying Shynrai Tit Budam Vanilla Broccoli Jingpang Sohsaw

Ka Rukom Rep Shynrai

1. U Jait:- Lakadong bad RCT – 1

2. Ka por thung:- Iaiong – Jymmang

3. Kaba pynkhreh ia ka jaka:- Puh lane lur ia khyndew kumba lai ne saw sien haduh ba kan da lwet bha. Shna ki nur kiba heh kumba shi meter ka jingiar bad ka jingjrong pat kat ba i biang. Ka jingjngai jong kawei ka nur na kawei pat ka dei ban long kumba 45 cm.

4. U Symbai:- Donkam kumba 1000 – 1500 kilo u symbai na ka bynta shi hectar ka jaka.

5. Kaba jied bad sumar ia ki symbai:- Jied da ki shynrai kmie ne shynrai khun kiba bha, kata, ki bym don jingpang bad kiba dap doh bha. Wieh ia kine ki symbai ha ka dawai carbandazin (1 gm /lit) lane Mancozeb (3gm/lit) 30 minute shwa ban thung ban lait na ka jingpang pyut u shynrai.

6. Ka rukom thung:- Lah ban thung da u shynrai kmie bad shynrai khun. Lada dei u shynrai kmie phiah kumba 4 – 5 cm ka jingjrong bad lada dei pat u shynrai khun thung kumba u long.

7. Ka jingkhah jingiar:- Haba thung ka jingjyngai na uwei u lain ha uwei pat ka dei ban long kumba 45 – 60 cm bad na uwei u tynrai ha uwei pat ka dei ban long kumba 15 – 22 cm.

8. Kaba tap ia ki nur:- Kaba tap ia ki nur da ki sla iap ka long kaba donkam. Lah ban tap da kino kino ki sla dieng ne niut ba la iap, jyntang kba, riewhadem. Kane ka iarap shibun ha kaba pynmih kloi ia u jynthung, kam ailad ia ki nuit ban san, ka pynneh ia ka jingsngem ka khyndew bad ka iada na ka jingtuid noh jong ka khyndew.

9. Ka rukom ai sboh dawai ha ka jaka ba shi hectar:-
  Sboh eit/ nuit Urea SSP MOP
Ha ka por thung 20 m.t 250 Kgs 35 Kgs
40-50 sngi hadien ba thung     Top 25 Kgs
90-100 sngi hadien ba thung     Dressing 25 Kgs

Ha man ba ai urea(top dressing) ia u jingthung dei ruh ban ai khyndew ha u tynrai lane tapnur.

10. Kaba tap ia ki nur:- Dei ban pynkhuid ne thiew ia ki nuit ki kymbat katba I donkam.

11. Ki khniang bad ki jingpang bad kumno ban iada ia ki:-
I. KI KHNIANG:

(i). Ki niang sam thliew jyntang ( stem borer):- Kine ki khniang ki long ki nongpynjulor ba shyrkhei jong u shynrai. Kine ki khniang ki bam ia ki bynta ba dang speh jong u jingthung haduh ba u kylla stem bad iap tyrkhong.
Ban Iada: Kynshait ia u jingthung da ka dawai khniang Monocrotophos 36 WSC lai(3) shamoit sha lane Dimethoate 30 EC san(5) shamoit sha ha ka shi tin umphniang sharak ka um.

(ii). Ki ‘niang kli sla ( leaf miner):- Kine ki khniang ki ju kli kyllain ia ki sla, ki sa shong hapoh jong ki bad bam ia ki sla haduh ban da lut
Ban Iada Kynshait da ka dawai Endosulfan 35 EC kumba hynriew (6) shamoit sha lane Quinalphos 25 EC kumba san (5) shamoit sha ha ka shi tin umphniang sharak ka um.

(iii). Ki khniang dambit (scales):- Kine ki kjit ia u jingbam na u jingthung ha lyngkha bad ha jaka buh ruh kumjuh. Bunsien u jingthung u iap noh ha ki lyngkha.
Ban Iada Wieh ia ki symbai shynrai ha ka Dimethoate 85 WSC da kaba khleh shi shamoit sha ka dawai ha ka 10 lit ka um. Synreit ia u jingthung da ka dawai Dimethoate 30 EC san(5) shamoit sha lane Endosulfan 35 EC hynrie (6) shamoit sha ha ka shi tin umphniang sharak ka um.


II. KI JINGPANG

(i). Ki jingpang thoh dak stem ki sla:- Haba kane ka jingpang ka ktah, u jingthung u kylla stem bad ka jingmih ruh ka duna.
Ban Iada: Kynshait ia u jingthung da ka dawai Mancozeb da kaba khleh phra(8) shamoit sha ka dawai ha ka 20 lit ka um.

(ii). Ka jingpang pyut u shynrai:- Kane ka jingpang ka sdang nyngkong eh narud jong ki sla bad ki sla ki tyrkhong ka metbah. U shynrai pat u jem bad u shong um bad u jingthung u kyllong.
Ban Iada Wieh ia ki symbai ha ka dawai Carbendazin shi gram ha ka shi litre lane Mancozeb 3 gm ha ka shi litre ka um 30 min shwa ban thung.


12. Ka Por Tih:- Lah ban tih noh ia u shynrai 7 – 9 bnai hadien ba la thung ia u. Dei ban ot shwa ia ki sla naduh khyndew nangta sa tih ia u shynrai.

13. Kaba sumar ia ki symbai shynrai:- Ia ki shynrai ba la mang ban buh symbai dei ban buh kyrpang ha ka jaka ba kah syrngiew bad ba ioh lyer bha. Nangta sa tap da ki sla jong ki shynrai bad sa lape ia kine ki symbai ba la buh kyrpang da ka khyndew ba la khleh lang bad ka eit masi. Lah ruh ban buh ne kynshew ia kine ki symbai ha ka thliew ryngkat bad u skum kurat bad tap ia kine ki thliew da ki lyntang ba la sam thliew khnang ban ioh lyer shapoh.
Feedback | Contact Us | Login