Ka Kisan Credit Card Scheme (NAIS) lane
ka Skim Pynioh Loan/Iarap Pisa Ia Ki Nongrep

A. Ka Jingthmu Jong Ka Kisan Credit Card Skim:

Ka Kisan Credit Card Skim ka thmu khamtam ban pynioh jingiarap pisa ia ki Nongrep lyngba jong ki bank ha ka por kaba biang khnang ba ki Nongrep ki lah ban thied ia ki jindonkam jong ki ha ka jngrep jingriang kum:
  • Ki Symbai (seeds) rep.
  • Ki sboh dawai (fertilizers) rep.
  • Ki dawai khniang (pesticides) ia ki jingthung bad kiwei kewei jingdonkam ha ka rep ha ka dor kaba jem bad myntoi shibun.

B. Kumno Kane Ka Kisan Credit Card Skim Ka Treikam:
Ia kane ka Kisan Credit Card Skim la pyntreikam lyngba jong ki Commercial banks, ki Regional Rural Banks bad ki Co-operative Banks.

C. Ki Nongrep Kiba Kukno Ki Lah Ban Ioh Jingiarap Na Kane Ka Kisan Credit Card Skim
Kane ka Kisan Credt Card Skim kan pynioh Loan (Short term loan) ne pisa ia ki Nongrep na ki bank ba la kdew haneng, kat kum ka jingdon ka jaka rep ne ka kyndew rep (operational holding) ba ki rep ki riang, bad ki lah ban ioh shim loan ne jingiarap pisa na ki bank kaba long naduh 5000 tynka shaneng.

D. Kumno Ki Nongrep Kin Ioh Ia Kane Ka Kisan Credit Card
Ia ki Nongrep kiba la kynthup hapoh kane ka Kisan Credit Card Skim ka bank kan ai ha ki nongrep ia ki Credit cards kiba long kum ki Pass Book ha kaba yn thoh ia ka kyrteng, ka address, ka jingdon jong ka kyndew rep ne jaka rep, ka dor jong ka loan ne pisa ba ki lah ban shim ne ioh na ki bank bad ia ka por ne haduh katno snem ba kane ka Credit Card/ Pass Book ka lah ban trei kam bad ruh yn tah ia ka dur (passport size) jong u nongrep ba don ia kane ka Credit Card/ Pass Book. Da kane ka Credit Card/ Pass Book, ki nongrep ki lah ban leit shim pisa na ki bank ha kano kano ka por ba ki donkam pisa na ka bynta ban theid ia ki jingdonkam ha ka rep kumba la kdew haneng.

** Ia Ka Jingtip Ba Kham Bniah Shaphang Kane Ka Kisan Credit Card Skim Lah Ban Ioh Na Ki Bank Lane Na Ki Agriculture/Horticulture Officers Ha Ki Block Bad Ki District Office Lane Na Ka Office Jong U Director of Agriculture, Cleve Colony Shillong
Feedback | Contact Us | Login